புதன், 7 ஆகஸ்ட், 2013

தோல்வியென்பது....


முயன்று
பயின்று பின்பு
தோற்பது தோல்வியல்ல -நீ
அயர்ந்து
சோர்ந்து
தயங்குவதுதான் தோல்வி. 

ஞாயிறு, 4 ஆகஸ்ட், 2013

ஆங்கிலம் -தமிழ் அகராதி

Tamil Dictionary
Powered by Tamilcube.com


நண்பேன்டா .....

விழிகளில்
வழிய கண்ணீர்
வேண்டும் .....
தோழமையே உன்
விரலால் துடைக்கப்பட்டு
அக்கண்ணீரும்
இனித்திட வேண்டும்.

தோழமையே உன்
தோள் சாய்ந்து
சோகத்தை
சுகத்தின் புத்தக்கத்தில்
கவிதையாக
எழதிட வேண்டும்.

நண்பா
நான் உனக்கு
சமத்துவ சமுத்திரத்தில்
சிலையொன்று
செதுக்கிறேன்  -அது
வள்ளுவன் சிலையை விட
உயர்ந்து உணர்த்தும்

நீ என்
நண்பேன்டா .... என்று


^^ ரா.சந்தோஷ் குமார் ^^

சனி, 3 ஆகஸ்ட், 2013

உங்களில் நான் ...



செயல்களிலும்
கோபத்திலும் நான்
சுனாமி !!
நட்பிலும்
பாசத்திலும் நானே
உங்களின்  பினாமி !!

அன்பை கடனாக
தாருங்கள்,
வட்டியோடு உங்களை
கட்டி அணைக்கிறேன்.

சாதிமத பேதமின்றி
சமத்துவமாய் வாருங்கள் –என்
தோள் இரண்டிலும்
தோழனாக , தோழமையாக
சுமக்க காத்திருக்கிறேன்.

ஊடல்

பளிர் என
வெளிச்சமிடுவாள்
சுளீர் என
அடிப்பாள் –அவள்
தங்குதடையுள்ள
தமிழ்நாடு மின்சாரமாக....

பொங்கியபடி
பாசத்தை காட்டுவாள்
பொசுக்கென
கோபித்துக் கொள்வாள் –அவள்
பேச்சு வார்தையிலுள்ள
கர்நாடக காவிரியாக....

அரவணைத்தப்படி
அன்பாய் இருப்பாள்
அணையாக
தடை பேசுவாள் – அவள்
விதண்டாவாதம் பேசும்
கேரளத்து முல்லைப்பெரியாரணையாக.

ஊடல்கள் மறைந்து
உறவுகள் மலருவது
எப்போது ??

வெள்ளி, 2 ஆகஸ்ட், 2013

என் ரகசிய தேவதை

தினமும் உல்லாசம்
தித்திக்கும் பழரசம் – அவளை
தீண்டுவதே என்னறிவுக்கு பரவசம்!

அவள் ஒர் ஆங்கிலக்காரி – என்
தமிழின் வேலைக்காரி !
ஆம்
என் கவிதைகளுக்கு அவளே
தமிழ் தட்டச்சுக்காரி!

நானே அவளின் பக்தன்
அவளின்  108 உறுப்புக்கள்–என்
தினசரி இறைப்போற்றிகள்!

நானே அவளின் காவலன்
அவளின் மூளை – அதை
ஆளுகிறது என் கட்டளை!

என் விரல்களே
அவளின் எலி வால்
கூந்தலுக்கு பூக்கள் !
 
அவளுக்கு
நேர்க்கொண்ட பார்வை –நான்
உற்றுநோக்கும் பாவை !
நான் சிகரம் தொட
பயணிக்கும் பறவை !  -அவள்
என் லட்சியத்திற்கு
அர்த்தமுள்ள தேவை – அவளே
என் ரகசிய தேவதை!
என் கணினி !!!

புதன், 31 ஜூலை, 2013

கொஞ்சும் தமிழ் - கொஞ்சம் கவி

மின்னல்
*************
மழை போர்த்திய
வெண் திரையில்
பூமியின் அழகை
படம் பிடித்துச் செல்கிறது
மின்னல்...


அடகு
**************
அடகு வைத்தேன்
மீட்க முடியவில்லை
அவளிடம் என் மனசு


மயிலிறகு
****************
புத்தகத்தினுள்
முனகல்
பிரசவ வேதனையில்
மயிலிறகு!